Lidhur me paraqitjen e materialit për botim nga autorët prof. dr. Fehari Ramadani dhe dr. Qerim Lita me titull: Krimet serbe (sllave) mbi shqiptarët nga viti 1877 deri në fillim të shek. XXI, jap disa konsiderata në lidhje me të: Materiali i studiuesve në fjalë është i realizuar në tre periudha te rëndësishme historike 1877-1913, 1914-1990 dhe 1990-2001. Materiali i strukturuar në 13 kapituj përmbledhës shqyrton një varg problematikash që ka për qëllim të ofrojë një pasqyrë shumëdimensionale në disa drejtime kryesore, respektivisht: studimin, analizimin dhe argumentimin e shkaqeve dhe pasojave që sollën gjenocidin kundër shqiptarëve, filluar në gjysmën e dytë të shek. XIX, vazhduar gjatë shek. XX dhe deri në fillim te shek. XXI.Libri paraqet një dëshmi autentike, ku shqiptarët në periudha te ndryshme historike u gjendën përballë sfidave të shumëllojshme nga ana e pushtetit jugosllav dhe atij maqedonas. Ky botim ofron një material të bollshëm me fakte e dokumente konkrete, të cilat janë evidentuar nga autorët përmes një përpjekjeje serioze: shkatërrimi i çdo gjëje që frymonte shqip me anë të fushatave policore e ushtarake që paraqiste edhe qëllimin final - likuidimin dhe shfarosjen e tyre. Libri paraqet dëshmi dhe referencë për gjithë ata, vendorë apo ndërkombëtarë, që interesohen për krimet e luftës në Kosovë e më gjerë. Është në interes për studiuesit e interesuar për të ndriçuar të vërtetën për gjenocidin kundër shqiptarëve jo vetëm në Kosovë por edhe në Preshevë, Medvegjë, Bujanoc e trevat verilindore shqiptare në Maqedoninë e Veriut.Botimi i këtij libri duhet konsideruar si një kontribut i çmuar jo vetëm për audiencën akademike, studiuesit e historisë dhe për historiografinë shqiptare në përgjithësi, por edhe për audiencën e gjerë publike dhe për studiuesit e fushave dhe disiplinave të ndryshme të shkencave shoqërore. Duke sjellë një korpus të dhënash burimore, autorët argumentojnë politikën shtypëse serbo-malazeze në trevat shqiptare dhe përpjekjet e vazhdueshme të shqiptarëve që nga rënia e tyre nën sundimin serbo-malazez.Libri është pajisur me një strukturë të qartë e të detajuar, të ngritur kryesisht në bazë të parimit kronologjik, por edhe të gërshetuar me parimin problemor e analitik. Struktura, në mënyrë kronologjike ndjek zhvillimet kryesore të dhunës dhe terrorit shtetëror jugosllav/serb e më gjerë. Ky hulumtim shkencor i realizuar rrjedh nga rëndësia e problemit dhe i lëndës së hulumtimit, kontribuon në njohuritë shkencore dhe metodologjike të gjenocidit të bërë.

Lista e librave të autorit FEHARI RAMADANI - QERIM LITA

KRIMET SERBO-SLLAVE MBI SHQIPTARET NGA VITI 1877 DERI NE FILLIM TE SHEK. XXI

KRIMET SERBO-SLLAVE MBI SHQIPTARET NGA VITI 1877 DERI NE FILLIM TE SHEK. XXI